د ملګرو ملتونو د راپور پر اساس اوسمهال په پاکستان کې له یو میلیون څخه زیات افغانان د کډوالۍ سختې شپې سبا کوي او خپل هېواد ته د امنیتي ستونزو د شتون له امله نه غواړي ستانه شي.
په وروستیو څو کلونو کې په سلهاوو زره افغان کډوالو د نړۍ له بېلابېلو هېوادونو څخه بېرته افغانستان ته ستانه شوي خو تر اوسه یو شمېر کډوال په پاکستان او ایران هېواونو کې پاتې دي. راپورونه ښيي چې دوی هلته له زیاتو ستونزو سره مخ دي خو بیا هم په هېواد کې د ناامنیو له امله خپل هېواد ته نه ستنیږي.
، د خیبر پښتونخوا په پیښور ښار کې د خیر الافغان په نوم یوه ډله په دغه ښار کې له میشتو کډوالو ته د روغتیا تعلیم او ورزش په برخه کې وړیا خدمتونه وړاندې کوي ترڅو وکولای شي د میشتو کډوالو په ستونزو کې کموالی راشي.
د اس بي اس راډیو خبریال ، اسلام ګل افریدي په همدې تړاو مرکې ترسره کړي او تاسو ته یې یو راپور برابر کړی تاسو کولای شئ دلته یې واورئ.
شریکول
