آسټرالیا یو ښکلی، سمسور او په زړه پوری هېواد دی. دغه هېواد د نړۍ له شاوخوا ۲۰۰ هېوادونو څخه د راغلو کډوالو کډ کور دی. د آسټرالیا په اړه ډېرې داسې کیسې او مالومات شته چې یو شمېر آسټرالیایان یې هم په اړه نه پوهېږې.
آسټرالیا شاوخوا ۸ زره ټاپوګانې، له ۱۰ زره څخه زیاتې سمندرغاړې او زرګونه نور د سیل ښکلي ځایونه لري. د آسټرالیا د سیل په جالبه ځایونو کې د ګلابي جهیلونو یادونه مهمه ده.
په ټوله نړۍ کې د ګلابي اوبو جهیلونو شمېر ډېر کم دی، مګر ډیری ګلابي جهیلونه بیا په آسټرالیا کې موقعیت لري چې د تل د سیلانیانو پام ځانه اړوي.
ځینې راپورونه ښيي چې په آسټرالیا کې د ګلابي جهیلونه شمېر له ۱۰ څخه زیات دی. مګر په لویدیځې آسټرالیا کې د لېک هیلیر په نوم ګلابي جهیل تر ټولو ډېر مشهوره ده.
تاسو ته د اسټراليا پيژندنې لړۍ رپوټونو څخه د ګلابي رنګه جهيلونو په اړه معلومات لرو چې دا ټول دلته اوريدلی شئ.
شریکول
