د قبايلو سيمې مشر خبريال خادم افريدي د پاکستاني امنيتي ادارو لخوا نيولو وروسته په رسمي پاڼو کې د يو ستر ترهګر نيولو خبر خپور شو ولې بيا د مظاهرو او ځايي خلکو غبرګون وروسته دا خبرونه له رسمي پاڼو لرې شوي ولې خادم افريدي لا اوس هم په زندان کې دی.
د قبايلو ځايي خلکو په مظاهرو لاس پورې کړی او وايي، د عامو خلکو نيولو او ځورولو مخه بايد ونيول شي.
ويل کيږي ۱۲ کاله وړاندې د خادم افريدي په نامه نيولو يو امر ورکړل شوی وه ولې د امنيتي ادارو لخوا اقدام اوس شوی او مشر خبريال يې نيولی.
مظاهره کوونکي وايي، خبريالان بايد خوندي اوسي او د قبايلو سيمو نا امني کولو او خلکو په نښه کول لړۍ دې بنده شي.
خادم افريدي د پريس کلب يا خبريالانو خونې دوه کلونو لپاره مشر هم پاتې شوې.
اسلام ګل افريدي له پيښور څخه رپوټ لري.
