دا پېښه په سویډن کې هغه مهال رامنځ ته شوه چې یوې افراطي عيسوي مذهبي شخص چې له عراق څخه سويډن ته مهاج شوی د لوی اختر په ورځ جومات مخې ته د قرآن کریم نسخې ته اور ورته کړ.
د نوموړي دې عمل خبرونه په چټکۍ سره خپاره شول کوم چې د نړۍ د مسلمانانو په منځ کې د غصې او غندنې لامل شو.
په پاکستان کې په زرګونو مظاهره چیان سړکونو ته راووتل او د قرآن کریم د سپکاوي په ضد یې خپل غږ پورته کړ. په لویو ښارونو کې مظاهرې وشوې، چې ګډونوالو یې د مسوولینو پر وړاندې د چټک اقدام او په راتلونکي کې د داسې پېښو د مخنیوي لپاره د سختو اقداماتو غوښتنه کوله. لاریون کوونکو د مذهبي متنونو د حرمت د ساتنې او د متقابل احترام او زغم د ودې لپاره د نړیوال پیوستون غوښتنه وکړه.
په سویډن کې چارواکو دا عمل غندلی او د پېښې په اړه یې پلټنې پیل کړي او ډاډ یې ورکړی چې له ښکېلو کسانو سره به قانوني چلند وشي. د سویډن حکومت د بیان د ازادۍ پر اهمیت ټینګار کړی او د دیني عقایدو او ارزښتونو د درناوي پر اړتیا یې هم ټینګار کړی دی.
پيښور څخه زمونږ همکار پدې اړه بشپړ رپوټ لري.
