د پاکستان جماعت اسلام، عوامي نيشنل ګوند او طالبانو جنجالي خبرې.
د اوکتوبر مياشت په ۲۶ نيټه د پيښور ښار دير کالوني په يو مدرسه کې چاودنې ۹ کسان ووژل او ځيني نور يې ټپيان کړل.
د ياد بريد وروسته ځينو مذهبي مشرانو پر افغانستان او هند نيوکې کړی او تور يې پور کړې چې د مذهبي مشرانو وژنې شاته د يادو هيوادونو لاس دی.
مولانا سميع الحق زوی مولانا حامد الحق پاکستان کې د هدفي وژنو پړه افغانستان او هند حکومتونو اچولې چې افغانستان دا تور په کلکه رد کړی.
بله خوا د پاکستان اوامي نيشنل ګوند غړي سردار حسين بابک بيا د مذهبي مشرانو پر داسې ويناوو نيوکې کړي او ويلي دي د پاکستان اسلامي ګوندونه دې د افغانستان داخلي مسايلو کې لاس وهنه نه کوي.
پاکستان کې يادې مسلې په ټولنيزو رسنيو کې بحثونه راپارولي.
بله خوا جماعت اسلام سند ډلې وياند مولانا يوسف شاه ويلي، د مولانا سميع الحق قتل بدل د هغه روحاني بچيو يعنې طالبانو افغانستان کې اخيستې.
د مولانا يوسف شاه يادو څرګندونو په ځواب کې د طالبانو وياند ذبيح الله مجاهد ويلي، طالبان د هيچا روحاني بچي ندي او نه دې څوک د طالبانو داخلي مسايلو کې لاس وهنه کوي.
يادې مسلې په اړه زمونږ همکار اسلام ګل افريدي يو رپوټ چمتو کړی چې دلته يې اوريدلی شئ.
