د پاکستان پيښور ښار کې لومړي ځل لپاره ځينو موسسو غوښتل چې ياد ښار کې د ښځو بايسکل ځغلولو سيالي پر مخ واچوي. د يادو خيريه بنسټو په وينا د پيښور انجونو ته يې ددې زمينه برابروله ترڅو لکه د نړۍ نورو پر مختللو هيوادو په شان هغوی هم ددی حق ولري ترڅو ټولنه کې پر بايسکل سفر وکړي او يا داسې سياليو کې ګډون وکړي. د يادې سيالۍ تنظيم کوونکي وايي چې د يادې سيالۍ هر څه يې تنظيم کړي ول ولې کله چې خبر د پيښور مذهبي ډلو ته ورسيد نو هغو د يادې سيالۍ مخه ونيوله او دايې وويل چې دا د پښتنو کلتور او دين خلاف کار دی. د يادې سيالۍ تنظيم کوونکي وايي چې د همدې مذهبي ډلو فشار له امله يې سيالي لغوه کړه. د يادې موضوع لا ډير جزيات د اسلام ګل افريدي په رپوټ کې واورئ.
شریکول
