د تېرې اوونۍ مهم خبرونه:
- د طالبانو په لومړنۍ دوره کې د پاکستان لپاره د دې ډلې پخواني سفیر عبدالسلام ضعیف تېره اوونۍ وویل، چې ۹۵ سلنه طالبان پر ښځو او نجونو له لګول شویو محدویتونو سره مخالف دي.
- د امریکا ولسمشر جوی بایډن تېره اوونۍ یو ځل بیا له افغانستانه د امریکايي ځواکونو د اېستلو په اړه له خپلې پریکړې دفاع وکړه.
- د طالبانو سرپرست حکومت تېره اوونۍ د افغانستان د اوو سترو کانونو د استخراج او پروسس تړونونه له یو شمېر کورنیو او بهرنیو شرکتونو سره لاسلیک کړل.
- د السیس په نوم یوې برتانوۍ موسسې تېره اوونۍ وویل، افغانستان کې د کوکنارو له کښت څخه مخنیوي فرمان په ټولو ولایتونو کې یو ډول نه دی عملی شوی.
زموږ خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
