طالبان وايي، د افغانستان په بازارونو کې مو احتکار او لوړې بیې کنټرول کړي دي.
که څه هم د افغانستان په بازارونو کې د بهرنیو اسعارو په تېره بیا د ډالرو پر وړاندې د افغانیو ارزښت لوړ شوی، خو بیا هم د لومړنیو خوراکي توکو په بیو کې کوم بدلون نه دی راغلی.
د افغانستان د بهرنیو اسعارو د تبادلې مرکز شهزاده سرای د معلوماتو له مخې پرون دوشنبه د اګست په ۴مه یو امریکايي ډالر شاوخوا ۸۰ افغانۍ تبادله کېده په داسې حال کې چې تر دې وړاندې د یو ډالر بیه څه باندې ۸۸افغانۍ پورې رسېدله، خو لا هم عام افغانان په بازارونو کې د خوراکي توکو له لوړو بیو څخه شکایت کوي.
د کابل ښار اوسیدونکي بریالي اس بي اس راډیو ته په دې اړه وویل؛ سره له دې چې د پخوا په پرتله د ډالر بیه څو برابره ټیټه شوې خو لاهم ورځ تر بلې د لومړنیو خوارکي توکو بیي لوړیږي، چې دوی یې د اخیستلو توان نلري.
نوموړی د طالبانو له حکومت څخه غواړي چې د خلکو کمزوري اقتصاد ته په کتو دي په بازارونو کې د خوراکي توکو بییو د کنټرول په برخه کې کوټلي ګامونه واخلي.
مهرباني وکړئ، لا ډېر معلومات په رپوټ کې واورئ.
