د نړیوالو بشرپاله بنسټونو د راپورنو له مخې اوس مهال په افغانستان کې بې وزلي او بې کاري خپل اوج ته رسېدلې او له همدې کبله افغانان له سخت ناورین سره مخ شوي دي.
د ملګرو ملتونو پراختايي پروګرام "یو این ډي پي" په خپل راپور کې چې د روان کال د جولای میاشتي په ۲۱مه نېټه خپور کړی وه وویل؛ د ۲۰۲۱ کال راهیسې د افغانانو په عوایدو کې شاوخوا ۳۰ سلنه کموالي راغلي.
د نړیوالو بشرپالو بنسټونو د شمېرو له مخې له هغه وخته چې طالبانو د افغانستان واګ په لاس کې اخیستې په دې هېواد کې ۲۹.۲میلیونه وګړي بېړنو بشري مرستو اړه شوي او په زرګونه کسانو خپلې دندې له لاسه ورکړي او وزګاره شوي دي.
همدا تېره اوونۍ د ژغورنې نړیوالې کمېټې خبردارۍ ورکړ، چې په افغانستان کې د بشري مرستو له کمېدو سره هم مهاله د اړمنو افغانانو په شمېر کې ۶۰ سلنه زیاتوالي راغلی.
ورته مهال عام افغانان هم وایي، د طالبانو له بیا راتګ وروسته یي روزګلر خراب شوی او د بې کارۍ له کبله په تنګ شوي او د ژوند د بقا لپاره څه په لاس کې نلري.
ډېری هغه افغانان چې خپل کارو بار یي له لاسه ورکړی وایي، فقر او غربت يي پر ژوند او ورځینو چارو سيوری غوړولی او روان حالت نور له زغمه وتلی بولي.
دوی زیاتوي اقتصادي وضعیت يي ورځ تر بلي خرابیږي او په خبره يي حکومت باید ژر تر ژره خلکو ته کاري فرصتونه رامنځته کړي ترڅو له هېواده د ځوانانو د تېښتي مخنیوی وشي.
مهرباني وکړئ پدې اړه لا ډېر معلومات په رپوټ کې واورئ.
