د کرېکټ نړیوالو یو ورځنیو لوبو په لړۍ کې نن په سریلانکا کې د افغانستان او پاکستان کرېکټ ملي لوبډلو ترمنځ د لوبو لړۍ پیلیږي.
د افغانستان او پاکستان ترمنځ دغه لوبلړۍ د افغانستان په کوربتوب پیلیږي چې د راونې اګسټ میاشتې تر ۲۶ نیټې پورې به داوم وکړي.
د دغو دریو ورځنیو لوبو لومړۍ سیالۍ نن د افغانستان پر وخت له غرمې وروسته ۲ بجې د سریلانکا په همبنټوټا ښار کې ترسره کیږي او د پلان له مخې دواړه لوبډلې به د اګسټ په ۲۴ مه او ۲۶ نېټه دویمه او درېمه سیالي هم ترسره کړي.
Afghanistan Cricket Team in a huddle Source: Getty / Getty Images
د افغانستان او پاکستان کرېکټ ملي لوبډلو ترمنځ دا لوبلړۍ داسې مهال ترسره کیږي چې د اسیا او نړیوال جام مهې سیالۍ هم را روانې دي.
د افغانستان کرېکټ بورد چارواکي وايي، د افغانستان کرکټ ملي لوبډلې د پاکستان لوبډلې پر وړاندې د یادې لوبلړۍ لپاره پوره چمتووالی نیولی او په خبره یي، دوی هیله مند دي چې دغه سیریز به په راتلونکو سیالیو کې د افغان لوبډلې په چمتووالي کې مرسته وکړي.
د کرېکټ بورد ویاند سید نسیم سادات اس بي اس راډیو سره په خبرو کې وویل، چې د افغان لوبډلې مورال لوړ دی او تمه ده چې افغانستان دغه لوبلړۍ په خپل نوم کړي.
ښاغلي سادات دغه لوبلړۍ د افغان لوبډلې لپاره ارزښتاکه وبلله او په وینا يې؛ له پاکستان سره د یو ورځنیو لوبو سیریز به د افغان لوبغاړو لپاره ګټور وي.
مهرباني وکړئ لا ډېر معلومات په رپوت کې واورئ.
