په افغانستان کې د نوي ښوونیز کال پیل ته یوازې څو ورځې پاتې دي، مګر طالبانو لا هم تر شپږم ټولګي پورته د افغان انجونو د ښوونځیو برخلیک د ټاکلو په اړه کومه پرېکړه نه ده کړې.
نږدې څلور کاله کېږي چې طالبانو د افغان انجونو پرمخ د ښوونځیو دروازې تړلي دي. افغان انجونې د طالبانو له حکومت څخه غواړي ترڅو د دوي پرمخ د ښوونځیو او پوهنتونونو دروازې خلاصې کړي.
د افغانستان پخواني ولسمشر حامد کرزي هم له طالبانو غوښتي چې د روښانه راتلونکې په موخه د نجونو او ښځو پر مخ د ښوونځیو او پوهنتونونو دراوزې پرانیزي.
حامد کرزي په خپله اېکس پاڼه لیکلي، زده کړې د هېواد د پرمختګ بنسټ دی او ځوانانو ته باید د زده کړو زمینه برابره شي.
مهرباني وکړئ لا ډېر معلومات په رپوټ کې واورئ.
د اس بي اس پښتو خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
