د ملګرو ملتونو سازمان ویاند سټیفانو دوچاریک ویلي، د افغانستان په اړه دغه برخلیک ټاکونکې غونډه به په را روانه ډسمبر میاشت کې د قطر په پلازمینه دوحه کې جوړه شي، خو د دقیقې نېتې په اړه یې جزیات نه دې ورکړل شوي.
په ورته وخت کې په افغانستان کې د ملګرو ملتونو ځانکړي دفتر یا یوناما د سیاسي برخې مشر سکاټ سمیټ څو ورځې وړاندې د طالبانو د ریاست الوزرا له استازي سره په لیدنه کې وویل؛ چې په دې غونډه کې به د ۲۰ هېوادونو استازي ګډون وکړي.
تر دې وړاندې د افغانستان لپاره د امریکا پخواني ځانګړي استازي زلمي خلیلزاد هم په یوه تلویزیوني مرکه کې د یادې غونډې له جوړېدو خبر ورکړ او د ښو پایلو تمه یې ترې وکړه.
مهرباني وکړئ لا ډېر جزئیات په رپوټ کې واورئ.
