د شنبې په ورځ دوو سختو زلزلو چې د امریکا د جیولوجۍ سروې ادارې يې د شدت اټکل د رېښتر په مقایس ۶.۳ درجې کړی، د هرات ښار په ګډون د زنده جان، کشک رباط سنکي ولسوالۍ او یو شمېر نورې سیمې ولړزولې.
د طالبانو تر کنټرول لاندې پېښو ته د رسېدو په چارو کې د دولت وزارت د معلوماتو پر اساس په هرات ولایت کې د یادې زلزلې له امله له ۲ زره ډیر کسان مړه شوي او سلګونه نور ټپیان شوي دي.
ددغه پیېښې ګڼ قربانیان لاهم تر نړیدلو کورونو لاندې دي او هلته ګڼ کلي په بشپړه توګه ویجاړ شوي دي.
په هرات ولایت کې مو د وروستۍ زلزلې په تړاو د جیالوجۍ برخې له متخصص ډاکټر نجیب الله سدید سره مرکه کړې او په سر کې مو ترې پوښتلي چې ولې زلزله رامنځته کیږي او لاملونه يې څه دي؟
لا دېر معلومات په مرکې کې اورېدلی شئ.
