ولور چې د افغانستان په مختلفو سيمو کې په بېلا بېلو نومونو لكه طويانه، ګله، قلين او شير بها يادېږي، يوه داسې پدېده ده چې اخيستل ېې د زرګونو ټولنيزو كړكېچونو او ستونزو لامل ګرځيدلې.
په افغانستان کې د دې دود له كبله ځينې ځوانان چې بد اقتصادي حالت لري واده نه شي كولاى او يا هم كلونه كلونه له هېواده لرې په پرديو هېوادونو كې د مسافرۍ شپې سبا کوي.
د افغانستان د ځينو نورو سيمو په څېر د سوېل ختيځ زون په ولايتونو کې لا هم د ولور کچه خورا لوړه ده، چې له امله يې ډېری ځوانان پېغلې او هلکان په خپل وخت واده نشي کولی.
دمګړۍ د افغانستان په یو شمېر ولایتونو کې د ولور منځنۍ کچه شاوخوا ۷ لکه افغانۍ ده، چې د واده له نورو لګښتونو سره يو ميليون افغانيو ته رسیږي.
تاسو کولای شئ، پدې اړه لا ډېر جزئیات په رپوټ کې واورئ.
