مهم خبرونه:
- د افغانستان پخواني ولسمشر محمد اشرف غني تېره اوونۍ وویل، چې د کډوالو د شړلو بهیر یوازې پاکستان پورې محدود نه پاتې کیږي.
- د ملګرو ملتونو مخدره توکو او جرمونو سره د مبارزې څانکې”UNODC” په یو راپور کې تېره اوونۍ وویل، چې دمګړۍ په افغانستان کې د کوکنارو په کښت کې ۹۵ سلنه کموالی راغلی دی.
- د ازبکستان د ولسمشر مطبوعاتي دفتر تېره اوونۍ وویل، چې د اقتصادي همکاریو سازمان یا ایکو په راتلونکې سرمشریزه کې به افغانستان کډون ونه کړي.
- د پاکستان سرپرست لومړي وزیر انورالحق کاکړ تېره اوونۍ وویل، له پاکستان څخه افغان کډوال ځکه ایستل کیږي چې افغانستان د هغو ډلو په مخنیوي کې پاتې راغلي چې د خاورې په کارولو سره يې په پاکستان کې عملیات کوي.
- د افغانستان لپاره د ملګرو ملتونو د بشري مرستو همغږې کوونکې ادارې یا اوچا تېره اوونۍ وویل، په افغانستان کې چاودېدونکي توکي هر مېاشت ۶۰ کسانو ته مرګ ژوبله اړوي.
زموږ خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
