له ایرانه په جبر د افغان کډوالو ايستل کېدو پروسې له پیل سره سم هره ورځ زرګونه افغانان د هرات اسلام کلا او د نیمروز ولایت ورېښمو پل له لارې هېواد ته راستنیږي.
د ملګرو ملتونو د کډوالو عالي کمېشنرۍ (UNHCR) د شمېرو له مخې، تر دې دمه له ايران څخه څه باندې يو ميليون افغان کډوال بېرته افغانستان ته راستانه شويدي.
که څه هم د طالبانو حکومت او د کډوالو ملاتړو ادارو له ايران غوښتي چې دا بهير دې داوطلبانه او تدريجي وي، خو ايراني چارواکي ټينګار کوي، چې ټول بې اسنادو کډوال به له خپلې خاورې وباسي.
د ايران دې پرېکړې پراخ غبرګونونه راپارولي، چې ډېری نړيوال او حقوقي سازمانونه يې د نړيوالو قوانينو خلاف بولي.
د چارو يو شمېر کارپوهان هم په دې اړه بېلابېل ليد لوري لري.
مهرباني وکړئ لا ډېر معلومات په راپور کې واورئ.
د اس بي اس پښتو خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
