د طالبانو او پاکستان ترمنځ اړیکې په افغانستان کې د طالبانو د حکومت تر راتګ وروسته تر ډېره د ثبات په حال کې وې، خو د تیرې اکتوبر میاشتې راهیسې د دواړو لوریو ترمنځ اړیکې له زیاتو ترینګلیتیا سره مخ شوې دي.
دا ترینګلتیا وروسته له هغه زیاته شوه چې په فبرورۍ کې پاکستاني ځواکونو د افغانستان په ننګرهار او پکتیکا ولایتونو کې هوايي بریدونه وکړل.
ددې بریدونه وروسته طالبانو هم د پاکستاني لوري پر وړاندې غچ اخېستونکي بریدونه پیل کړل.
د نږدې درېیو اوونیو په تېرېدو سره، دغه نښتې لاهم داوم لري.
تېره شپه، پاکستاني جیټ الوتکو په کابل او ننګرهار ولایت کې ځینې سیمې وویشتلې، چې د طالبانو ویاند ذبیح الله مجاهد په دې اړه وویل چې په کابل کې د پاکستاني پوځ د هوايي برید له امله د روږدو کسانو د درملنې په روغتون کې مرګ ژوبله اوښتې ده.
د طالبانو حکومت د پاکستاني ځواکونو دا بریدونه په کلکو ټکو غندلي او دا يې د نړیوالو اصولو خلاف بشر ضد عمل بللی دی.
د طالبانو حکومت مرستیال ویاند حمدالله فطرت پرخپله اکس پاڼه لیکلي چې هوايي برید په سیمه ییز وخت د شپې شاوخوا نهه بجې په روغتون وشو او تر دې دمه د مړو شمېر ۴۰۰ کسانو ته رسېدلی، پداسې حال کې چې شاوخوا ۲۵۰ کسان ټپیان شوي دي.
مهرباني وګړئ په دې اړه لا ډېر معلومات د اسلام ګل افریدي په رپوټ کې واورئ.
