د افغانستان په شمال کې د قوشتېپې ستر کانال د سروې چارې د پخواني حکومت پر مهال په ۲۰۱۸ کال کې پیل شوې وې، خو عملي کار يې د طالبانو له لوري د ۲۰۲۲ کال د مارچ په مېاشت کې په رسمي ډول پیل شوي.
دا کانال د بلخ ولایت له کلدار ولسوالۍ د امو سیند اوبه د حیرتان دښتو ته اړوي او د دولت اباد، اقچه او اندخوی له سیمو په تېریدو سره ۲۸۵ کیلومتره اوږدوالی لري.
د طالبانو د ملي پراختیا شرکت مسوولین وايي، چې د کانال چارې په بېلابېلو برخو کې په چټکۍ راونې دي او د دویم فاز د کېندلو کار بشپړېدو ته نږدی دی.
ددې شرکت ویاند نبی الله ارغندیوال اس بي اس پښتو ته ویلي چې د کانال په اوږدو کې د یو شمېر پلونو جوړول هم په ګړندۍ توګه راون دي او هڅه کېږي چې پروژه له ټاکل شوې مودې مخکې ګټې اخیستنې لپاره چمتو شي.
مهرباني وکړئ لا ډېر معلومات په رپوټ کې واورئ.
