آسټرالیا د مختلفو کلتورونو د خلکو ګډ کور دی او هر کال په لسهاوو زره په شرایطو برابر کسان د دغه هېواد تابعیت ترلاسه کوي.
د آسټرالیا د تابعیت ترلاسه کول یواځې په دې معنی (مانا) نه ده چې یو کس کولی شي په آسترالیا کې دایمي ژوند وکړي، بلکې د دغه هېواد تابعیت ترلاسه کول نورې مهمې ګټې هم لري.
په ملبورن کې مېشت افغان وکیل، عزیز الله یوسفزی وايي چې د تابعیت له ترلاسه کولو وروسته خلک کولی شي، د دغه هېواد پاسپورټ ترلاسه کړي، په ټاکنو کې رایه ورکړي، دولتي وظیفه ترلاسه کړي، قونسلي خدمتونو ته لاسرسی ولري او که چېرې ماشومان یې له آسټرالیا بهر پیدا شي نو هغوي هم کولی شي د آسټرالیا تابعیت ترلاسه کړي.
مهرباني وکړئ لا ډېر معلومات په رپوټ کې واورئ.
د اس بي اس پښتو خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
