نړۍ کې دا مهال له ۶۰ ميليونو ډير خلک کډوالی سره ژوند تيروي چې په يادو کډوالو کې ډير شمير د افغانانو هم دی.افغانانو د اوروپا سربيره اسټراليا ته هم مخه کړې او دلته يي د پناه غوښتنه کړې. اسټراليا کې د نوي حکومت راتګ سره پر پناه غوښتونکو سختي ډيره شوه او حکومت وويل چې هر هغه کس کوم چې د بيړۍ له لارې اسټراليا ته راغلی وي هغه اسټراليا کې نه قبلوي، د حکومت دې اعلان سره ډير پناه غوښتونکي له يو نا معلوم حالت سره دلته اسټراليا کې ژوند تيروي او بيا ځينو پناه غوښتونکو خپلې کورنې هم شاته پريښي. شفيع الله مشفيق يو له پښتنو څخه دی چې خپل واړه بچي يې وطن کې پريښي او دی اسټراليا کې له څلورو کلونو راپديخوا ژوند کوي ولې لا اوس هم معلومه نده چې دده راتلونکی به څنګه وي. ښاغلي خپل د ژوند خوالې له اس بي اس پښتو خپرونې سره شريکې کړي چې تاسې يي دلته اوريدلی شئ.
شریکول
