د افغانستان تير حکومت ړنګيدو وروسته زرګونه افغانان اسټراليا کې ميشت شوي.
اسټراليا ته راتګ سره ډير له دغو افغانانو څخه په کارونو او ميشتيدنه بوخت دي، ولې ددې ترڅنګ يو ډير شمير ځوانانو سپورټ په ځانګړي ډول بيا کريکټ لوبو ته مخه کړې.
سرتاج شينواری د طالبانو راتګ سره اړ شو ترڅو کورنۍ نورو غړو سره دلته په اسټراليا کې يوځای شي، نوموړی دوه کاله وړاندې اسټراليا ته راتګ سره په ساختماني برخه کې په کار بوخت دی او ترڅنګ يې کريکټ لوبه هم کوي.
د ښاغلي سرتاج په وينا، هغه خوبونه يې چې په افغانستان کې ندي بشپړ شوي غواړي اسټراليا کې بشپړ کړي او کريکټ ډګر کې ښه وځليږي.
سرتاج تيز توپ اچوونکی دی، ملبورن ښار ځايي کلبونو سره يې لوبې پيل وروسته اوس د ياد ايالت په سطحه يو مهم کلب ته لوبيږي ترڅو نورو سترو کريکټ ليګونو ته لار پيدا کړي.
د ښاغلي سرتاج شينواري ژوند، ميشتيدنې او لاسته راوړنو په اړه لا ډير د نوموړي بشپړه مرکه کې واورئ.
