د سپټمبر د مياشتې ۸ نېټه، د اسټراليا او نړۍ مهم خبرونه دلته واورئ.
ويکټوريا ايالت په تيرو ۲۴ ساعتونو کې د کرونا ويروس ۵۵ نوې پيښې او د ۸ کسانو مړينه ثبت کړه.
نيو ساوت ويلز بيا ۹ او کوينزليند ايالت يوه پيښه ثبت کړه. نيو ساوت ويلز ليورپول روغتون کې د روغتيا برخې کار کوونکی پر کرونا ويروس اخته کيدو وروسته اټکل کيږي چې ګڼ شمير نور روغتيايي کار کوونکي به پر کرونا ويروس اخته شوي وي.
د اسټراليا حکومت چين کې بند پاتې دوه اسټراليايي خبريالان له هغه وروسته وويستل کله چې د چين امنيتي چارواکو د يادو خبريالانو پلټنه پيل کړه.
د اسټراليا فدرال حکومت د ۱.۷ ميلياردو ډالرو په ارزښت د کرونا ويروس ضد واکسين ترلاسه کوي.
دا او نور خبرونه واورئ.
شریکول
