له يو کال بيا کتنې وروسته اس بي اس شبکې د ژبو ټاکلو معيار وټاکه او په هغې کې پښتو ژبې پروګرامو کې د هيڅ بدلون راوستو پريکړه وشوه او لکه پخوا اس بي اس راډيو به په اونۍ کې دوه يو ساعته پښتو خپرونې اسټراليا کې ميشتو پښتنو ته وړاندې کوي.
اس بي اس پښتو خپرونه به تر روان کال نومبر ۲۰ نيټې پورې د سه شنبه غرمې ۱۲ تر ۱ بجو پورې وي او ۵ شنبه به د ماسپښين له ۳ څخه تر ۴ بجو پورې پروګرامونه ولري.
ولې نوي بدلون له مخه به د نومبر مياشت ۲۰ نيټې څخه د اس بي اس پښتو خپرونې هر سه شنبه او شنبه د ماسپښين ۲ څخه تر ۳ پورې خپرونې وړاندې کړي او نوي بدلون سره د پښتو خپرونې په يو وخت شوې.
اس بي اس شبکې پريکړه وکړه چې اووه نوو ژبو ته هم خدمتونه وړاندې کړي يادو ژبو کې روهنګيا،تيبيتان،تيلوګو شامله دي.
بيا بله خؤا د اس بي اس شبکه پر ۱۲ ژبو خپل خدمتونه بندوي.
تاسو ته مو دې ستر بدلون په اړه يو رپوټ چمتو کړی چې دلته يې اوريدلی شئ.
