د اسټراليا مهاجرت پروګرام له مخه هر کال ۱۶۰ زره مهاجر اسټراليا ته راوستل کيږي ترڅو اسټراليا کې کاري تشې ډکې کړي. يادو شميرو څخه ډير ځايونه مهارت لرونکو مهاجرو ته ورکول کيږي. د اسټراليا دايمې ويزې ترلاسه کولو لپاره پروسه ډيره رقابتي ده ولې پدې رپوټ کې به تاسې د اسټراليا مهاجرت پروګرام په اړه معلومات ترلاسه کړئ.
اسټراليا هر کال ۱۶۰ زره کسانو ته ويزې ورکوي ترڅو اسټراليا ته کار لپاره راشي او اسټراليا کې ميشت شي.
هر کال د اسټراليا ايالتونه خپل اړتياو له مخه د کاري برخو ليسټ خپروي کوم ته چې له بهر څخه خلک غوښتنليک ورکوي او بيا د اسټراليا ويزې ترلاسه کولو وروسته اسټراليا کې ميشت کيږي.
د کرونا وبا دوران کې د اسټراليا مهاجرت پروګرام اغيزمن شوی ولې دولت هڅه کوي ترڅو د مهاجرو راتګ بيرته ژر پيل کړي.
زمونږ همکار مجيب منيب يادې موضوع ته کتنه کې او بشپړ رپوټ لري چې دلته يې اوريدلی شئ.
شریکول
