د روان کال د اګست د میاشتې ۱۰ نېټه په آسټرالیا کې د سرشمېرنې ورځ ده، په دغه ورځ د ۲۵ میلیونو اوسېدونکو راټول شوي ارقام به له حکومتونو، کاروبارونو او ټولنو سره مرسته وکړي ترڅو د زیربناو او خدمتونو په اړه مناسبې پرېکړې وکړي.
کریس لیبريری، د آسټرالیا د احصایې په ادارې کې، د سرشمیرنې څانګې عمومي مدیر وايي، چې د آسټرالیا سرشمیرنه، شاوخوا ۶۰ پوښتنې لري او د نورو هېوادونو په پرتله خورا پراخه سرشمېرنه ده.
ښالی لیبریری وايي چې په سرشمېرنې کې له خلکو څخه د هغوی د عمر، جنس، مدني حالت، کورنی او کار په اړه پوښتنې کېږي.
همدا راز د خلکو د کلتور په اړه پوښتنې کېږي، د بېلګې په توګه په کومه ژبه په کور کې خبرې کوي، چېرته پیدا شوي، میندې او پلرونه یې چېرته پیدا شوي او داسې نور.
اسټراليا کې د پښتنو استازو سر شميرنه کې د پښتنو پراخې کچې ګډن په موخه کمپاينونه پيل کړي او پښتانه هڅوي ترڅو په سرشميرنه کې ګډون وکړي او د کور ژبه پښتو وليکي.
تاسو ته لا ډير معلومات مو پدې رپوت کې ځای کړي چې دلته يې اوريدلی شئ.
