د کرونا ويروس وبا سره ډير والدين اړ شول ترڅو خپلو کورونو کې ماشومانو د ماشومانو زده کړې پروګرامونه مخې ته يوسي، ولې بيا دې کار له ځانسره ننګونې هم لرلې.
بله خوا ځيني والدين بيا وايي، چې له کلونو راهيسې خپل د ماشومانو ټول ښوونځي سبق له کوره تنظيموي او لدې سره ماشومان ټوله ورځ يوازې ۲ څخه تر ۳ ساعتونو پورې زده کړې سره د ښوونځي ټول مظامين زده کوي.
اسټراليا کې هوم سکولينګ يا له کوره د ښوونځي زده کړه ځينو والدينو ته ښه غوراوې ورکوي ترڅو خپل ماشومان کور کې وساتي او هم ورته د ښوونځي زده کړه ورکړي.
تاسو ته مو پدې اړه يو لنډ رپوټ برابر کړی چې دلته يې اوريدلی شئ.
