اسټراليا کې دا مهال ۱۶۰۰ کسان او يا بيماران انتظار کې دي ترڅو د بل کس د بدن غړی ورته ولګول شي او دوی روغ شي.
هر کال د جولای او اګيست مياشتو کې د بدن غړو مرسته کولو کمپاين په ټول اسټراليا کې پر مخ اچول کيږي ترڅو عامو خلکو ته د يادې مسلې ارزښت په اړه پوهای ورکړل شي.
اسټراليا کې ډير خلک غواړي ترڅو د خپل بدن غړي نورو بيمارانو ته ورکړي ولې د چارواکو په وينا ياد کسان بيا اړين ګامونه نه پورته کوي ترڅو راجسټر شي او دا کار ترسره شي.
د روغتيا چارواکو په وينا د څو کلتوريزو ټولنو خلک بيا يادې مرستې او يا پروسې په اړه معلومات نه لري، حال داچې د بدن غړو مرسته کول د نړۍ لويو مذاهبو لخوا يو منل شوی کار دی ولې ډيره کې خلک دې کار ته زړه نه ښه کوي.
د بدن غړو مرسته کول ډيره کې د يو کس مړينې وروسته ترسره کيږي.
که يو کس مړ کيږي او هغه دا وصيت کړی وي چې له مړينې وروسته د هغه بدن غړي نورو ته مرستې لپاره ورکړل شي نو بيا ډاکټران وصيت ته په کتو او د کورنۍ غړو په خوښه بياد مړ شوي کس د بدن ځيني غړي لرې کوي او بل ناروغه کس ته يې لګوي.
اسټراليا کې دا کار له ډير درناوي او په سم ډول ترسره کيږي.
د بدن غړو مرسته کولو په اړه د اسټراليا دولت په پښتو ژبه معلومات خپاره کړي او لا ډير نور معلومات په تيار شوي رپوټ کې واورئ.
