په ۲۰۱۸ م کال کې د آسټرالیا د بشري منابعو ادارې لخوا یوه ترسره شوې څېړنه ښيي چې ۶۸ سلنه کار ګمارونکي نه خوښوي ترڅو له ۵۰ کلونو څخه لوی عمر لرونکي کسان په کار وګماري.
د کرونا وېروس له وبا مخکې د آسټرالیا کاري ځواک له لوی عمر لرونکو سره د تبعیض د مخنیوي په موخه مبارزه کوله، مګر د کرونا وېروس په ټولو کارونو ناوړه اغېزه درلوده.
د تېنکر بېل په نوم نوښتګرې ادارې بنسټ ایښودونکی اډم فیریر وايي ، د آسټرلیا حکومت د معلوماتو پر اساس هغه کسان چې د هغه په صنعت کې کار کوي په منځنۍ توګه ۳۸ کاله عمرونه لري.
هغه وایي چې د اعلاناتو په صنعت کې له لوی عمر لرونکو سره تبعیض عام دی او دا تر ډېره حده، د اقتصادي مسایلو له امله دی .
نوموړی وايي، لوی عمر لرونکي خلک چې ډېره تجربه لري باید ډېرې پیسی ورته ورکړل شي خو د هغو تجربې ته ارزښت نه ورکول کېږي.
د تېر کال په جون میاشت کې د سینټ لارینس مرکز لخوا په یوه خپاره شوي راپور کی اټکل شوی چې ۴۰۰ زره آسټرالیایان د ٥١ او ٦٥ کلونو تر مینځ عمرونه لري، مګر د کوید-١٩ ناروغۍ له امله یې کاري ساعتونه اغیزمن شوي دي.
د يادې څيړنې موندنې پدې تيار شوي رپوټ کې واورئ.
