د آسترالیا د RMIT پوهنتون راپور ښیي چې په آسټرالیا کې له هرو څلورو ګارګرو څخه یو تن په ډیجیټلي چاپیریال کې د کار مهارت نلري.
د آکسفورد پوهنتون او سنپ انک ادارې لخوا په یوه خپاره شوي راپور کې راغلي چې تر ۲۰۳۰ کال پورې به د هغو ځوانانو په عاید کې ۵۰۰ سلنه زیاتوالی راشي چې د ډیجیټل په برخه کې لوړ مهارتونه لري.
د سنپ انک عمومی مدیره کترین کارتر وايي، وړاندوینه شوې چې له هرو ۵ آسټرالیایانو څخه ۳ کسان تر ۲۰۳۰ کال پورې په لوړه کچه ډیجیټل مهارتونو ته اړتیا لري. هغه زیاتوي چې د کرونا وبا ځوانان له اقتصادي پلوه ترټولو زیات ځپلي او دوي همدا راز په هغه ډله کې دي چې ښه مهارتونه او لیدلوری لري ترڅو په راتلونکې کې په کاري ځواک کې ښه والی راولي.
تاسو ته مو د نړيوالې څيړنې او داچې راتلونکي کاري مارکيټ کې کومو مهارتونو ته اړتيا لرئ يو رپوټ چمتو کړی چې دلته يې اوريدلی شئ.
