۱۷۸۸ کال جنوري ۲۶ نيټې باندې لومړي ځل لپاره د انګستان ۱۱ بيړۍ له انګليس بيرق سره اسټراليا خاورې ته ورسيدې او اسټراليا خاورې باندې يرغل له هماغې ورځې پيل شو.
د اسټراليا اصلي اوسيدونکي يا ابروجينالز ياده ورځ د يرغل او هم بقا ورځ ګڼي.
سوال دا پيدا کيږي چې د اسټراليا ملي ورځ ولې وخت تيريدو سره يې معنی بدله شوه..
د اسټراليا ملي ورځ لومړي ځل لپاره ۱۹ پيړۍ لومړيو کې سيدني ښار کې ولمانځل شوه..
تاريخ پوهه ډاکټره Elizabith Kawan چې د اسټراليا ملي ورځې تاريخ په اړه يې يو کتاب هم ليکلی د ملي ورځې لمانځلو مقصد په اړه داسې وايي..
"دې ورځې ته يې د لومړي ځل رسيدو ورځ ويله او هم يې ورته د بڼسټ ورځ ويله.. ياده ورځ د شپې ډوډې يوه محفل کې په کال ۱۷۸۸ کې ولمانځل شوه او دا د انګليسانو لخوا جنوری ۲۶ نيټې باندې په نيو ساوت ويلز کې ولمانځل شوه... ځکه هغه وخت کې هغوی د استعمار پاتې کيدو په اړه انديمښن ول ځکه هغه وخت کې دا کار اسانه هم نه ښکاريده.. نو ځکه دوی هغه وخت کې دې ته ارزښت ورکاره..
په کال ۱۹۸۸ کې د اسټراليا ټولو ايالتو او سيمو دا پريکړه وکړه چې ياده ورځ بايد د اسټراليا ملي ورځې په توګه ولمانځل شي او په کال ۱۹۹۴ کې بيا لومړي ځل لپاره په ياده ورځ کې عامه رخصتي اعلان شوه
د اسټراليا ملي ورځې ته مو کتنه کړې او تاسو ته رپوټ لرو چې دلته يې اوريدلی شئ.
