اسټراليا کې د ښځو حقونو مدافعينو په وينا، د کرونا ويروس وبا سره هغه ښځې کوم چې لنډمهالو اسټراليايي ويزو سره ژوند کوي له لا ډير کورني تاوتريخوالي سره مخ دي.
د اسټراليا احصايې ادارې رپوټ له مخه، له کرونا ويروس وبا څخه مخکې هم په هرو لسو ښځو کې درې ښځې خپل د ژوند ملګرو له لاسه له فيزيکي او يا جنسي ځورونې سره مخ کيدلی.
ولې اوس د کرونا ويروس وبا له امله کورنيو کې خپګان او بيلابيل فشارونه ډير شوي او همدا وجه ده چې اوس هغو شميرو ته ډير ټليفونونه راځي کوم چې کورني تاوتريخوالي برخه کې کورنيو ته مرستې رسوي.
داسې کيسونه هم پيښ شوي چيرې چې يوه ښځه سره د ماشومانو يې کورني تاوتريخوالي له وجې خپل خاوند څخه جلا شوې ولې اوس د کرونا وبا له امله رامينځته شوو اقتصادي ستونزو له وجې بيرته هماغه خاوند ته يې پناه وړې.
اسټراليا کې هغه سړي کوم چې د اسټراليا تابعيت لري او يا د اسټراليا دايمي اوسيدونکي دي له ځينو بهرنيو ميرمنو سره يې ودونه کړي. دا ميرمنې بيا اسټراليا کې څو کلونو لپاره لنډمهالو ويزو باندې راوستل کيږي، ولې بيا همدې دوران کې دوی د حکومت لخوا ځينو خدمتونو ته لاسرسی نه لري.
يادو ميرمنو کې ډير له هند، چين او نورو هيوادونو څخه اسټراليا کې ژوند کوي.
يادې موضوع په اړه يو لنډ رپوټ لرو چې دلته يې اوريدلی شئ.
