د افغانستان د کورني کرېکټ شپږیزې لسم پړاو سیالۍ په کابل کې راونې دي.
دغه سیالۍ چې د کابل کرېکټ نړیوال لوبغالی کې د راونې جولای میاشتۍ په ۱۹ مه پیل شوې د اګسټ میاشتې تر لومړۍ نیټې به داوم وکړي.
په دې لیګ کې د هېواد له پنځو زونونو ـ سپین غر، آمو، بند امیر، بست او مس عینک لوبډلې برخه لري چې، ټول ټال به ۲۱ سیالۍ ترسره شي.
د شپږیزې لسم پړاو لوبډلو په ترکیب کې په نړیوال کچه د افغانستان پيژندل شوي لوبغاړي، راشد خان، محمد نبي، فضل الحق فاروقي، نور احمد لګڼوال، رحمان الله ګربز، صدیق اتل او عظمت الله عمرزي هم شامل دي.
شپږیزه لیګ د افغانستان له مهمو او مشهورو شل اوریزو لیګونو څخه شمېرل کیږي، چې نږدې هر کل د اوړي په موسم کې په کابل کې ترسره کیږي،
دا لیګ لومړی ځل په ۲۰۱۳ کال کې پیل شو او سږ کال يې لسم پړاو دی.
د کرېکټ بورډ ویاند سید نسیم سادات، دغه لیګ خورا مهم بولي او وايي، چې تېر کال له دې لیګ څخه ۸۰ سلنه لوبغاړو د افغانستان ابدالیانو لوبډلې ته لاره پېدا کړې وه.
نوموړی تمه لري چې سږ کال به هم له دې لیګ څخه یو شمېر لوبغاړي ملي او الف لوبډلو ته لاره ومومي.
مهرباني وکړئ لا ډېر معلومات په رپوټ کې واورئ.
د اس بي اس پښتو خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
