شپږیږه کرېکټ لیګ چې ټاکل شوی د کابل په نړیوال کرېکټ لوبغالي کې ترسره شي لوبډلې پکې په پنځو زونونو ویشل شوي دي.
د افغانستان د کرېکټ بورډ د معلوماتو له مخې ددغو لوبډلو په ترکیب به د ملي لوبغاړو په ګډون د افغانستان د کورنۍ کرېکټ د بېلابېلو ګټګوریو لوبغاړي ګډون ولري.
د افغانستان کرېکټ بورډ ددغه لیګ په اړه وايي، چې شپږیږه کرېکټ لیګ د استعدادونو د راڅرګندېدو لپاره یوه ارزښتناکه لړۍ ده او د افغانستان د کرېکټ په وده کې يې د پام وړ مرسته ورسره کړې.
د افغانستان کرېکټ بورډ ویاند سید نسیم سادات اس بي اس پښتو ته وویل، شپږیږه کرېکټ لیګ د افغانستان له سترو او مهمو لیکونو څخه دی چې موخه يې د نويو استعدادونو موندل دي.
هغه ددغه لیګ ترسره کول نویو لوبغاړو ته د افغان مشهورو او نوموتو لوبغاړو له خوا د تجربو د لېږد تر ټولو ښه فرصت په ګوته کوي.
مهرباني وکړئ لا ډېر معلومات په رپوټ کې واورئ.
