پنجاب د پاکستان تر ټولو زیات نفوس لرونکی ایالت دی چې شاوخوا ۱۱۰ میلیونه کسان په کې ژوند کوي.
د پاکستان هېواد اوسمهال څلور ایالتونه لري چې د پنجاب، سند، بلوچستان او خیبر پښتونخوا په نومونه یادېږي. پنجاب د پاکستان تر ټولو زیات نفوس لرونکی ایالت دی. د ۲۰۱۷ کال سر شمېرنې ښیي ، په دغه کال کې شاوخوا ۱۱۰ میلیونه کسان په پنجاب ایالت کې اوسیدل.
د پاکستان حکومت په پام کې لري ترڅو د پنجاب ایالت په دوو برخو وویشي او د جنوبي پنجاب په نوم یو نوی ایالت په دغه هېواد کې جوړ کړي. د پاکستان د بهرنیو چارو وزیر شاه محمود قریشي، له رسنیو سره په خبرو کې ویلي چې د جنوبي پنجاب ایالت پلان جوړ شوی او ټاکل شوې ترڅو د تصویب لپاره د پاکستان ملي شورا ته وړاندې شي. قریشي د پاکستان له ټولو سیاسي ګوندونو غوښتنه کړې ترڅو د حکومت له دغه پلان څخه ملاتړ وکړي .
لا ډېر معلومات کولای شئ، په راپور کې واورئ.
شریکول
