پاکستان کې له ديرشو زرو ډيرې ديني مدرستې فعاليت کوي او په يادو مدرسو کې تر ۲۵ سوه زرو زده کوونکي زده کړې کوي.
د پاکستان ازادی پر مهال ياد هيواد کې يوازې ۲۴۷ مدرسو فعاليت کاوه، او کله چې افغانستان کې په کال ۱۹۸۰ کې د روسانه خلاف جګړه پيل شوه نو هغه مهال پاکستان کې ۲۸۰۰ مدرسې جوړې شوې وې.
دا مهال پاکستان له ديرشو زرو ډيرې مدرسې فعاليت کوي او د پوځ وياند په وينا شاخوا ۱۰۰ مدرسې داسې دي کوم چې سخت دريځي خپروي.
بله خوا پاکستان کې ۲۰ ميليونه کسان له زده کړې بې برخه دي.
د پاکستان د پوځ وياند خبرو د اسلامي ګوندونو او مذهبي چارواکو غبرګونونه راپارولي.
دا مهال پاکستان کې پر افغاني زده کوونکو هم سختي ډيره شوې او مدرسې اړ شوي ترڅو افغان زده کوونکو په اړه معلومات له پاکستاني چارواکو سره شريک کړي.
تاسو ته مو د پاکستان د پوځ وياند خبرې او پر وړاندې يې غبرګونونه پدې رپوټ کې ځای کړي.
زمونږ د همګار اسلام ګل افريدي بشپړ رپوټ واورئ.
