د افغانستان ټاکنو او ټاکنيزو شکايتو کميسيونونه له يو بل څخه سر ټکوي

د افغانستان د انتخاباتي شکایتونو کميسیون وايي، د انتخاباتو خپلواک کمیسیون له لوري د ولسي جرګې د لومړنیو نتایجو په اعلان کې ځنډ د دوی پر مهالوېش هم ناوړه اغيز کړی. ټاکل شوې وه چې د قوس میاشتې تر ۱۰مې پورې د ټولو ولایتونو لومړني نتایج اعلان شي، خو د انتخاباتو خپلواک کميسیون وايي، یو شمير ستونزو او شکایتونو ته په کتو نتایج په څو پړاوونو کې اعلانيږي. د افغانستان د انتخاباتو خپلواک کميسیون د معلوماتو پر بنسټ، تر اوسه د ۳۰ ولایتونو ابتدايي نتایج اعلان کړي دي. له بلې خوا د افغانستان د ولسمشرۍ لپاره د کاندیدانو د ثبت بهیر د جدي په لومړۍ نيټه یعنې د شنبې په ورځ پیل شو او د دغې میاشتې تر ۱۲مې نيټې دوام کوي. د افغانستان جمهوري ریاست بیا وايي چې د ولسمشرۍ په راتلونکو انتخاباتو کې ولسمشر محمد اشرف غني سرور دانش یو وار بیا د دوهم مرستیال په توګه ګمارلی دی. تفصیل له ناجیې ساپۍ اورﺉ.

Source: Social media - public domain