د افغانستان د ټاکنو د خپلواک کمیسیون د پرېکړې پر اساس به راتلونکې ولسمشریزې ټاکنې د سپتمبر د میاشتې په ۲۸ نېټه ترسره شي.
په افغانستان کې د ولسمشریزو ټاکنو په رانېږدې کېدو سره یو شمېر نوماندان د امنیتي ستونزو په اړه اندیښنه لري او وايي چې افغان حکومت تر اوسه خپلې ژمنې ندي عملي کړي.
ټاکل شوې ترڅو سبا د یکشنبې په ورځ د راتلونکو ولسمشریزو ټاکنو لپاره کمپاینونه پیل شي چې د ۶۰ ورځو لپاره به دوام ولري.
د افغانستان د ټاکنو خپلواک کمیسیون وایي چې ټاکنیز کمپاینونه به له رایې اچونې ۴۸ ساعته مخکې پاې ته ورسيږي او ټاکنې به د تلې په ۶ یا د سپتمبر د میاشتې په ۲۸ نیټه ترسره شي.
مهرباني وکړئ ، لا ډېر جزیات د ناجیې ساپۍ په راپور کې واورئ.
شریکول
