شاوخوا ۱۵۰ کاله وړاندې افغانان له خپلو اوښانو سره د اسټراليا رغولو کې مهمه رول لوبولی چې تر نن د اسټراليا جنوب او شمال سيمو کې د اوښبه افغانانو نښې او پاتې نسل شتون لري.
کله چې اوښبه افغانان اسټراليا ته راوستل کيدل نو هغوی اجازه نه لرله ترڅو خپلې کورنۍ له ځانسره راولي چې بيا ځينو اوښبه افغانانو دلته اسټراليا کې له اوروپايانو او هم بومي اسټراليايانو سره ودونه وکړل او پاتې شول.
کله چې اسټراليا ته اوروپايان راغلل نو هغو له ځانسره اسان راوړي ول ولې د هغو اسونو د اسټراليا لويو دښتو کې د سفر کولو توان نه درلود نو ځکه د اوروپايانو اوښانو ته پام شو او هغه وخت کې افغانان د اوښانو ساتلو او هم پر اوښانو سفر کولو برخه کې ډير مهارت درلود، نو ځکه يې افغانان له اوښانو سره اسټراليا ته راوستل.
اسټراليا کې افغانان له خپلو اوښانو سره تر ډيرو کلونو د خوراکي توکو او هم سکرو او نورو معدنو د ليږد چارې پر مخ وړلې ولې وخت تيريدو سره د اسټراليا حکومت د ريل پټلۍ جوړولو باندې پيل وکړ کوم چې د اوښبه افغانانو د کار ځای يې ونيوه.
د نړۍ يو له په زړه پورو او ښکلو اورګاډو پټلۍ څخه يوه په اسټراليا کې ده کوم چې ۲۹۷۹ کيلو متره اوږده پرته ده او د اسټراليا جنوب او شمال سره نښلوي.
بشپړ رپوټ دلته واورئ.
