اسټراليا کې کورني تاوتريخوالي له امله زرګونه ماشومان بې سر پرسته دي او دا پداسې حال کې ده چې حکومت همدا ماشومان د خپلو هم ژبو او هم مذهبو کورنيو ته لنډمهاله ساتنې لپاره ورکوي ولې پدې کې بيا افغان په ځانګړي ډول پښتانه ماشومان د کورنيو نه پيدا کيدو ستونزو سره مخ دي.
اسټراليا کې Foster Care يا د ماشومانو ساتنې او پالنې عمل ډير دود دی او دا هغه مهال رامينځته کيږي کله چې په يو کور کې کورنۍ تاوتريخوالي يا شخړې رامينځته شي او بيا د يو ماشوم خونديتوب او يا سلامنتيا ته يې خطر پيښ شي نو حکومت بيا همدا ماشوم لنډمهاله بلې کورنۍ ته ساتنې لپاره ورکوي او دا تر هغه وخته پورې وي کله چې د همداغه ماشوم کورنۍ ستونزې حل شي.
دا بې سر پرسته ماشومان هغه مهال له ګڼو ستونزو سره مخ کيږي کله چې دوی داسې يو کورنۍ ته ساتنې لپاره ورکړل شي کوم چې نه د هغوی په ژبه خبرې کوي او نه هم د هغوی په مذهب وي.
حکومت له ټولنو څخه غواړي ترڅو خپل د ټولنې ماشومانو لنډمهاله ساتنې او پالنې لپاره دې کورنۍ وهڅوي ځکه د هغو ماشومانو پالنې يا ساتنې لپاره کورنۍ شتون نه لري.
اسټراليا کې د بل چا ماشوم ساتنې لپاره تاسو ته حکومت پيسې او ځيني نور خدمتونه درکوي او د يو ماشوم ساتنې لپاره بايد له يو لړ طی مراحل څخه هم تير شئ.
د يادې مسلې لا روښانه کولو او ټولو جزياتو ترلاسه کولو لپاره مو سيدني ښار کې د اس اس ای ( Settlement Service International ( SSI ادارې له کار کوونکي عبادالله امد سره مرکه کړې.
بشپړه مرکه دلته واورئ.
