هر کال د سپټمبر په ۲۳ نيټه د پښتنو کلتور نړيوالې ورځې تر نامه لاندې د نړۍ بيلابيلو هيوادونو کې پښتانه خپل کلتور او ژبې ارزښتونه لمانځي.
اسټراليا کې سږ کال د پښتنو کلتور نړيوالې ورځې ټولنې رضا کاران په ګډه دا ورځ د اسټراليا دوه لويو ښارونو سيډني او ملبورن کې لمانځي.
اسټراليا کې د يادې ورځې د تنظيم ډلې مشري اغلې کامله مياخيل په غاړه لري.
د اغلې په وينا، د پښتنو کلتور نړيوالې ورځې غونډو کې برخه اخيستل له وړو تر زړو پورې مهمه ده، ځکه له ژبې او کلتور سره نږدې پاتې کيدل ډيرې هويت ساتلو کې مرسته کوي.
سږ کال د پښتنو کلتور نړيوالې ورځې لمانځلو لپاره له باهر څخه د پښتو نامتو سندرغاړی هارون باچا سره د نورو موسيقۍ هنرمندانو دعوت شوي او په يادو غونډو کې کنسرټونه وړاندې کوي.
سيډني: شنبه د سپټمبر ۲۳
ملبورن: پنجشنبه د سپټمبر ۲۸
د اغلې مياخيل په وينا، دا غوندې کورنيو او ماشومانو لپاره ډيرې ځانګړتياوې لري او ښه تنظيم شوي او غوښتنه کوي چې پښتانه کولی شي له خپلو کورنيو او ماشومانو سره په يادو غونډو کې برخه واخلي.
داچې په غونډو کې څه تنظيم شوي او څنګه پکې ګډون کولی شئ، د اغلې کامله مياخيل بشپړه مرکه واورئ.
