کله چې اسټراليا افغانستان کې خپل پوځي ماموريت پای ته ورساوه نو هغه داخلي کارکوونکي يې شاته پريښودل کومو چې له دوی سره اوږه په اوږه کار کاوه.
دا داخلي کار کوونکي د استراليايي پوځيانو وتلو وروسته له ويرې سره مخ او ځينو يې ځانونه پټ کړل.
شاوخوا ۱۰۰۰ ژباړونکي او د هغوی کورنۍ غړي اسټراليا ته راوړل شوي ولې اوس هم نا معلوم شمير د اسټراليا پوځ پخواني کار کوونکي په افغانستان کې دې ته په تمه دي ترڅو ورته اسټراليا پناه ورکړي.
په افغانستان کې روانې جګړې نه يوازې د سلګونو زرو افغانانو ژوند اخيستې بلکې ځينو بهرنيو ځواکونو ته يې هم مرګ ژوبله اړولې.
افغانستان کې روانې جګړې پر اسټراليايي ځواکونو او هغو افغانانو ناوړه اغيز شيندلې کومو چې له اسټراليايي ځواکونو سره يې افغانستان کې کار کړی.
۳۴ کلن احمد شاه شاهي له اسټراليايي ځواکونو سره يې شپږو کلونو لپاره کار کړی او د هغه دنده يو له خطر ډکو دندو څخه شميرل کيږي.
ښاغلی شاهي اسټراليايي ځواکونو ته يې ژباړه کوله او هم يې ورته کلتوري سلا مشورې ورکولی.
د ښاغلي احمد شاه شاهي کيسې ته مو د اسټراليا ملي ټلويزيوني شبکې اس بي اس له لارې پوښښ ورکړ.
په کال ۲۰۱۲ کې اسټراليا اعلان وکړ، ټولو هغو افغان کار کوونکو ته پناه ورکوي کوم چې له خطر سره مخ دي.
له هغه وخت راهيسې له ۱۰۰۰ څخه ډيرو افغان کار کوونکو او کورنيو غړو ته يې اسټراليايي ويزې ورکړل شوي.
له اوه کال انتظار وروسته احمد شاه او کورنۍ ته يې د اسټراليا ويزه ورکړه شوه او اسټراليا ته راغلل.
تاسو ته مو د ښاغلي شاهي بشپړه کيسه او د پخواني اسټراليايي پوځي خبرې او د اسټراليا دفاع وزارت دريځ دا ټول پدې رپوټ کې ځای کړي چې تاسې يې دلته اوريدلی شئ.
