د ډنمارک پلازمېنه کوپنهاګن په ۲۰۲۵ کال کې د نړۍ په کچه د ژوند لپاره تر ټولو غوره ښار بلل شوی دی.
په تیرو دریو کلونو کې د اتریش ویانا ښار د ژوند لپاره تر ټولو غوره ښار بلل کېده.
دا سروې د اکانومېسټ انټلجنس یونټ ( Economist Intelligence Unit) لخوا ترسره شوې. دغې ادارې د نړۍ په ۱۷۳ ښارونو کې ثبات، تعلیمي اسانتیاوو او روغتیایي خدمتونو ته کتنه کړې ده.
د ژوند لپاره د نړۍ د غوره ښارونو د لېست په سر کې سږکال د آسټرالیا د دریو ښارونو نومونه راغلي دي.
ملبورن څلورم، سېدڼي شپږم او اډېلېډ نهم ځای خپل کړی دی.
د ۲۰۲۵ کال د سروې له مخې لاندې ۱۰ ښارونه د ژوند لپاره د نړۍ ترټولو غوره ښاورنه دي.
۱- کوپنهاګن
۲- ویانا
۳ - زیوریخ
۴- ملبورن
۵- جنیوا
۶ - سېډني
۷ - اوساکا
۸ - اکلنډ
۹ - اډېلېډ
۱۰- وینکور
د اس بي اس پښتو خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.




