دريو مياشتو ځند وروسته پاکستان له افغانستان سره خپلې ترانزيتي لارې پرانيستي ولې بله خوا د بار وړونکو لاريو ډريوان وايي، ستونزې کمي شوې ندي.
افغانستان له پاکستان سره يو وخت تر ټولو ډيره سوداګريزه راکړه ورکړه درلوده او افغانستان له پاکستان څخه نږدې ټول خورواکي او نور توکي واردول.
د دواړو هيوادونو ترمينځ سياسي کړکيچ زور اخيستلو سره افغانستان ځينو نورو ګاونډو هيوادو ته مخه کړه او له پاکستان سره سوداګرۍ برخه کې د پام وړ کمی راغی.
پاکستان لور ته ډير پښتنو ميشتو سيمو اوسيدونکي له افغانستان سره تجارت کې ګټه ترلاسه کوله او د هغوی ژوند او کاروبار ډيره کې له افغانستان سره سوداګرۍ باندې تړلی وه، ولې اوس د دواړو هيوادو سوداګرۍ کمښت له وجې ډيره کې پاکستان لور ته پښتانه اغيزمن کيږي.
د کرونا وبا له امله د پاکستان او افغانستان ترمينځ ترازينتي لارې نږدې دريو مياشتو لپاره تړل شوې وې ولې له ځند وروسته دا لارې يو ځل بيا پرانيستل شوې.
دا مهال لارو پرانيستلو سره رشوت او نورې ګډوډی افغانستان ته د بار وړونکو لاريو پر مخ خنډونه جوړ کړي. زمونږ همکار اسلام ګل افريدي له ځينو ډريورانو سره خبرې کړي چې تاسې يې بشپړ رپوټ دلته اوريدلی شئ.
