ملګري ملتونه په نړۍ کې د کړکيچونو ډيريدو په اړه ژوره انديښنه ښايي او تر څنګ يې خبرداری هم ورکوي.
د ملګرو ملتونو سر منشي انتونيو ګوتيريس وايي، د هوا بدلون له مسلې نيولې تر سوريې، يمن، او ليبيا جګړو پورې او بيا اوس د امريکا لخوا مينځني ختيځ ته د سولې پلان دا ټول هغه مسايل دي چې ټوله نړۍ کې يې نارامي رامينځته کړې او دا نړيوال کړکيچ لا په ډيريدو دی.
د انتونيو ګوتيريس په وينا په نړۍ کې شته ستونزې لا نورو ستونزو ته لار هوارولې شي چې دا ټول د انديښنې وړ ده.
ښاغلي هغو هيوادو باندې هم نيوکې وکړې کوم چې تيره مياشت برلين کې سره راټول شوي ول او د ليبيا هيواد سولې په اړه يې خبرې وکړې.
ښاغلی وايي ياد هيوادونه ملګري ملتونه له پامه غورځوي او هم ليبيا په اړه چې د ملګرو ملتونو امنيت شورا کوم تړون تصويب کړی له هغې سر غړونه کوي.
ښاغلي ګورتيريس د امريکا پر ولسمشر هم نيوکې وکړې او ووي،د مينځني ختيځ لپاره چې کوم پلان ډونالډ ټرمپ وړاندې کړی هغه مناسب ندی او سيمه کې ستونزې رامينځته کولی شي.
داچې ملګري ملتونه ولې د نړۍ راتلونکی د انديښنې وړ بولي، بشپړ رپوټ واورئ.
