د ۲۰۲۰ کال د مارچ له ۲۰ نیټې څخه تر اوسه پورې کډوال او بهرني سیلانیان نشي کولای آسټرالیا ته سفر وکړي. له دویمې نړیوالې جګړې وروسته دا لومړی ځل دی چې کډوال آسټرالیا ته د سفر اجازه نلري.
د آسټرالیا د کډوالو چارو نوی وزیر الېکس هوک وايي، حکومت په پام کې لري ترڅو ژر تر ژره کډوالو او سیلانیانو ته د سفر اجازه ورکړي.
نوموړی په اصل کې د کډوالو له یوې کورنۍ سره تړاو لري او په ډېر حساس وخت کې د آسټرالیا د کډوالو چارو وزیر په توګه ټاکل شوی دي.
ښاغلي الېکس هوک له اس بی اس شبکې سره په خبرو کې ویلي چې مونږ د د یوې داسې وبا په منځ کې یو چې په سلو کلونو کې یو ځل راځي او ټول په حکومت کې باخبره دي چې هر څومره کېدای شي انعطاف منونکي او ځواب ویونکي وه اوسېږي.
نوموړی زیاتوي چې د حکومت غړي پدې فکر دي چې څرنګه ګولای شو د نړیوالې جي ډي پي له ټېټوالي وروسته بېرته ښه والی راشي چې د کډوالۍ موضوع هم د دغو هڅو برخه ده.
بشپړ رپوټ واورئ.
