د ځینو لپاره دا هغه نېټه ده چې د لومړۍ بېړۍ کاروان په ۱۷۸۸ کال کې د اسټرالیا سېډني ته ورسېد. خو د ډېرو نورو لپاره په ځانګړي ډول د لومړنیو ملتونو د خلکو لپاره دا د ستر تاوان، ګډوډۍ او مقاومت د پیل نښه ګڼل کېږي.
ډېر اسټرالیایان لا هم داسې انګیري چې د انګریزانو لومړۍ بېړۍ کاروان د ۱۷۸۸ کال د جنورۍ په ۲۶مه په سېډني کوو کې کوز شوی و؛ خو حقیقت دا دی چې هغوی تر دې مخکې، د جنورۍ په ۱۸مه بوټاني خلیج ته رسېدلي وو.
د نن په راپور کې به تاسو د جنورۍ ۲۶مې تر شا تاریخ وپېژنئ، او پدې به پوی شی چې ولې دا ورځ په استرالیا کې عمومي رخصتي وي، او ولې د هېواد په بېلابېلو سیمو کې خلک دا ورځ په بېلابېلو ډولونو لمانځی او مني یې.
د نن په راپور کې تاسو د تاریخ یوه سفر ته روان یاست، چې لارښود یې جان–پاول جانکي (John-Paul Janke)
د اس بی اس د ملي بومي چارو مدیر او په NITV کې د (The Point) د خپرونې ګډ کوربه هم دی.
نوموړی څېړي چې د جنورۍ ۲۶مه څنګه د «استرالیا ورځې» په توګه په رسمي ډول وټاکل شوه، او ولې د دې ورځې مانا تر اوسه هم بدلېږي او په ټول هېواد کې بحثونه راپاروي.
نو، دا هر څه له کومه او څنګه پیل شول؟
د جنورۍ ۲۶مې تاریخ اوږد، پېچلی او له ژورو احساساتو ډک دی. دا نېټه د ځینو لپاره د لمانځنې نښه ده، خو د لومړنیو ملتونو د ډېرو خلکو لپاره د غم، اعتراض او د ژوندي پاتې کېدو استازیتوب کوي.
په ټول هېواد کې چې دا بحثونه لا هم روان دي، د دې نېټې تر شا د تاریخ پوهېدل د ریښتیا ویلو پر لور د یوه مهم مخ په پراخېدو هڅو مهمه برخه بلل کېږي.
د اسټرالیا پیژندنې دا برخه د NITV په همکارۍ چمتو شوې ده. د جان–پاول جانکي غږیزه برخه له هغه ویډیويي تشریحي راپور څخه اخیستل شوې چې NITV جوړ کړی دی.
مهرباني وکړئ بشپړ مالومات په راپور کې واوری.
