د اسټراليا بشري مرستو ويزو ته شاوخوا ۲۶ زره غوتنليکونه ورکړل شوي چې پکې له ۱۰۰ زرو څخه ډير وګړي شامله دي. تاسو ته به سوال دا پيدا کيږي چې يادو ويزو ته غوښتلينک سپارلو وروسته څه پيښيږي؟
د افغانستان جمهوري نظام نسکوريدو وروسته د طالبانو واکمنۍ سره زرګونه افغانان هڅه کوي ترڅو له افغانستان څخه بهر ووځي.
د اسټراليا سنا مجلس پلټنې کميسيون ته د معلوماتو ورکولو جريان کې د اسټراليا مهاجرت وزارت د ۱۰۰ زرو څخه ډيرو افغانانو د اسټراليا ويزې ته غوښتنې خبر ورکړ.
هر کال اسټراليا له ټولې نړۍ څخه ۱۳۷۵۰ کډوال اسټراليا کې قبلوي او سږ کال شمير کې يې ۳۰۰۰ ويزې افغانانو ته ځانګړې کړي.
د اسټراليا حکومت د ويزو ياد اعلان سره دا هم وويل چې امکان لري لدې لا نورې ډيرې ويزې ورکړل شي.
يوازې څو اونيو دوران کې ۲۶ زره ويزو غوښتنليکونو سپارلو مسله مو اسټراليا کې وکيل او حقوقي چارو کارپوه ډاکټر نظير داور سره مطرح کړې.
ښاغلي داور څخه مو د ويزو غوښتنليک طی مراحل، لومريتوبونه او د اسټراليا مهاجرت ادارې کاري سيسټم په اړه پوښتنې کړي.
تاسې لا ډير معلومات بشپړه مرکه کې واورئ.
