د شاعر او عارف حيدري وجودي پر مړينه د قلم خاوندان ټول څپه او هغه يې لويه ضايع وګڼله.
د درې ژبې پياوړی شاعر حيدري وجودي د جون مياشت پر لسمه د ۸۰ کلنۍ په عمر ومړ.
حیدري وجودي د تصوف او ادبياتو برخه کې ډير خدمت کړی او ډير شمير او عارفانه ادبیاتو په برخه کې ګڼ مينه وال درلودل او غزلونه يې د خپلو پلویانو تر منځ مشهور وو. ده ځان د پخوانیو لویو عارفانو پېرو باله.
حیدري د افغانستان پينجشير ولايت کې زيږيدلی او بيا وروسته کابل ته کډه او تر مړينې کابل کې اوسيده.
د حيدري يو له دوستانو څخه د اسټراليا سيدني ښار کې ميشت د پوهنتون استاد ډاکټر احسان آذري دی.
ښاغلی وايي، سره لدې چې مرحوم وجودي د دري ژبې شاعر وه ولې ده له پښتنو سترو ليکوالانو او شاعرانو سره ښه اشنايي لرله.
د ډاکټر آذري په وينا، مرحوم وجودي ته چې هر ليکوال او يا شاعر مرستې لپاره مخه کړې مرحوم ورته په خلاص تندي او پوره اخلاص د مرستې لاس ورکړئ.
د مرحوم وجودي ژوند او خدمت په اړه مو اسټراليا کې د پوهنتون استاد ډاکټر احسان آذري سره مرکه کړې چې تاسې بشپړه مرکه دلته اوريدلی شئ.
