![AAN [IND 1952] aka Savage Princess DILIP KUMAR Date: 1952](https://images.sbs.com.au/dims4/default/73b9ea4/2147483647/strip/true/crop/1799x1012+0+0/resize/1280x720!/quality/90/?url=http%3A%2F%2Fsbs-au-brightspot.s3.amazonaws.com%2Fdrupal%2Fyourlanguage%2Fpublic%2F20091104000271395710-original_1.jpg&imwidth=1280)
د هند سينما وتلی ستوری يوسف خان ( دليپ کمار) د ورپيښې ناروغۍ له امله په ۹۸ کاله عمر وفات شو.
دليپ کمار نه يوازې هند کې بلکې په نړۍ ډير شمير هيوادونو کې ميليونونه مينه وال لرل.
د دليپ کمار د ۱۹۲۲ کال د دسمبر پر ۱۱ نيټه د پېښور قصه خوانۍ کې زېږېدلی او په ۱۹۳۰ کې يې کورنۍ ممبۍ ته ګډه شوې وه.
د هندي فلمي نړۍ د پخواني وتلي ستوري دلیپ کمار کور د پېښور په مشهور او تاریخي بازار قصه خوانۍ کې په خدایداد کوڅه کې دی.
سره لدې چې په ۲۰۱۳ کې سيمه ييز حکومت د دلیپ کمار کور ملي ملکیت بللی و او ياد کور يې فرهنګي مرکز باندې بدلولو پلان درلود ولې تر اوسه ډير کلونه تري شول او دا کار ندی ترسره شوی.
د خيبر پښتونخوا د لرغونو اثارو ادارې له اړوند بنسټونو غوښتي چې د باليوډ د وتلو او تاریخ جوړوونکو فلمي ستورو دلیپ کمار او راج کپور کورونه دې دولتي میراث کې شامل کړای شي.
د دليپ کمار زيږيدو سيمې اوسيدونکو او هم پښتونخوا چارواکو زمونږ همکار اسلام ګل افريدي سره خبرې کړي چې دا ټول په تيار شوي رپوټ کې اوريدلی شئ.
Source: Wikipedia
