د پښتو ژبې ليکوال او استاد مرحوم صاحب شاه صابر چې پښتو ژبې ته يې ډير خدمت کړی په کال ۱۹۵۶ کې د خيبر پښتونخوا په ملاکنډ سيمې کې زيږيدلی.
مرحوم صاحب شاه په ادبياتو کې PhD کړې وه او هم يې درې ماسټرايانې په پښتو او اوردو ژبو کې اوهم په سياسي علومو کې ترلاسه کړې وې.
مرحوم صاحب شاه پښتو ژبې ته بې ساری خدمت کړی او په پښتو ژبه يې کتابونه هم ليکلي.
د نومړي شعرونه د پاکستان وتلو سندرغاړو د سندرو له لارې خپاره کړي او د پښتو نامتو سندرغاړي کرن خان هم د مرحوم صاحب شاه له شعري ټولګې څخه د سندرو يو البوم جوړ او خپور کړی.
مرحوم صاحب شاه په کال ۲۰۰۷ کې لدې نړۍ سترګې پټې کړې ولې لا تر اوسه يې د شعرونو مينه وال او نور ليکوالان د هغه تلين لمانځي.
پرون د پاکستان په پيښور ښار کې د مرحوم صاحب شاه صابر تلين د ليکوالانو او سندرغاړو په حضور کې ولمانځل شوه.
زمونږ همکار اسلام ګل افريدی يادې غونډې کې ګډون کړی او يو رپوټ يې چمتو کړی چې دلته يې اوريدلی شئ.
Sahib Shah Saber death anniversary Source: Islam Gul Afridi, SBS Pashto
